Головкинді Боратпен мазақтаған боксшы GGG-мен кездесу өткізбек

Ирландиялық Гари «Спайк» О'Салливан (23-2, 15 КО) қазақстандық Геннадий Головкинмен жұдырықтасуға дайын екенін айтты.

«Мен 18 наурызда Бостонда жұдырықтасамын. Промоутерім жақында қарсыласымның есімін атайды. Огого бас тартты, мен оның бетін қан-жоса қылар едім», - деп жазды О'Салливан өз твиттерінде.

Артынша твиттерде оған келесі кездесуді кіммен және қашан өткізгісі келетінін сұрады. Бұған ол: «GGG-мен жекпе-жек өткізгім келеді» деп жауап қатты.

Бұған дейін, «Спайк» Головкинді бірнеше рет мазақ еткен болатын. Тіпті, сөзбен айтып мазақтаудың аз екенін ұқса керек, кейін өзі, артынша командасымен бірге Бораттың киімімен суретке түсіп, Головкинді жекпе-жекке шақырған еді.