Поветкин «Б» сынамасын ашуға өтініш жіберді

«Мир бокса» компаниясының басшысы Андрей Рябинский ресейлік боксшы Александр Поветкинның  «Б» допинг-сынамасы ашуға өтініш жібергені жайлы айтты.

Поветкин мен канадалық Бермейн Стиверн арасындағы жекпе-жек 17-ші желтоқсан күні Екатеринбургте өтуі тиіс еді. Бұл кездесуде  WBC  тұжырымы бойынша әлем чемпионы атағы сарапқа салынбақ болған. Бірақ Поветкиннің ағзасынан допинг табылып,  WBC бұл жекпе-жекке тиым салған. 

- Біз  «Б» сынамасын ашуға өтініш жібердік, – деді Рябинскийдің сөзін ТАСС жеткізді.