Макгрегор: «Халық Флойд екеуіміздің жекпе-жегімізді қалайды»

Жеңіл салмақта UFC чемпионы Конор Макгрегордың айтуынша, кіші Флойд Мейуэзермен жекпе-жек өтсе, бұл америкалық боксшыға тиімді болмақ.

«Менде бокс лицензиясы бар. Оның соңғы жекпе-жегінінің трансляциясын pay-per-view бойынша 350 мың рет сатып алған. Бұл өте сәтсіз болды. Оның соңғы екі кездесуі сәтсіз өтті. Маған ол керек емес, мен қарсылас ретінде кез келген түкке тұрғысыз біреуді ала салып, өзіме қажет санды жинап аламын. Әрине, халық Флойд екеуіміздің жекпе-жегімізді қалайды, бірақ көре жатармыз. Мұндайға уақыт керек», — деді Макгрегор.