Головкин - Джейкобс жекпе-жегінің билеттер құны қанша болмақ

Қазақстандық Геннадий Головкиннің промоутері Томм Леффлер америкалық Дэниэль Джейкобске қарсы кездесудің билеттері қанша болатынын айтты.

«Билеттер сатылымы жұмада басталады. Құны 100-ден 1000 долларға дейін барады. Аренаның 25%-ы 100 долларлық билеттерден тұрады», - деді Леффлер.

Айта кетейік, Madison Square Garden аренасына 20 789 көрермен сыяды. Головкиннің осы аренада өткен соңғы кездесуінде (Давид Лемьеге қарсы) аншлаг болған еді.