Құсайынов төртінші жеңісіне қол жеткізді

Қазақстандық Абылайхан Құсайынов кәсіпқой бокстағы төртінші жеңісіне қол жеткізді.

Басты жекпе-жегі Жан Паскаль - Рикардо Рамальо кездесуі болған бокс кешінің андекартында 25 жастағы Құсайынов мексикалық 26 жастағы Хесус Переспен күш сынасты. Кездесу жеңіл салмақ аясында канадалық Квебекте өтті.

Абылайхан төрешілердің шешімі бойынша жеңіске жетті. Бұл Құсайынов үшін мерзімінен бұрын аяқталмаған алғашқы жекпе-жек болды.