Татами шеберлері тәуелсіздікке тағзым етті

Қазақстан тәуелсіздігінің 25 жылдығына орай елордада Қазақстан спортына еңбегі сіңген тұлға Болат Данияровтың жүлдесі үшін дзюдодан турнир өтті. Жарысқа 9 облыстың спортшылары келіп қатысты. Алматы облысы мен Астана қаласының екінші командасы қола жүлдегер атанып, 3-орынды иеленді. Ал финалға шыққан Астана қаласының құрамасы қызылордалық дзюдошылардан басым түсіп, турнир жеңімпазы атанды.