Сондерс Головкинмен жекпе-жегін кейінге қалдырды

Британиялық Билли Джо Сондерс ресейлік Артур Акавовқа қарсы жекпе-жекте жеңіске жетіп, WBO тұжырымы бойынша әлем чемпионы атағын қорғап қалған соң кездесу туралы пікірін айтты.

«Қазір өзімнің жақсы қалпымда емеспін, Головкинмен кездесудің алдында тағы бір жекпе-жек өткізуім керек», - деді Сондерс.

Айта кетейік, Сондерс қазақстандық Геннадий Головкиннің негізгі қарсыластарының бірі саналады. Қос боксшы да жұдырықтасуға келісіп отыр. Билли WBO тұжырымы бойыншы әлем чемпионы. Ал Геннадийге барлық белбеулерді өзіне жинау үшін, Сондерстің еншісіндегі титул ғана жетпей тұр.