Бокс тарихында тұңғыш гей-чемпион болам деген Крус жеңіліп қалды

Пуэрторикалық боксшы Орландо Крус жеңіл салмақта WBO титулы үшін өткен жекпе-жекте британиялық Терри Флэнаганнан жеңіліп қалды.

Кездесу Уэльстің Кардифф қаласында өткен. Жекпе-жектің сегізінші раундында Крус екінші рет нокдаунға түскен соң бас қазы кездесуді тоқтатып тастады. Осылайша, Флэнаган өз титулын қорғап қалды.

Орландо Крус өзінің көгілдір екенін жасырмай айтқан спортшы. Осы жекпе-жектің алдында бокс тарихындағы алғашқы гей-чемпион атанатынына сенімді болған еді. Ол бүгінге дейін 25 (13 нокаут) рет жеңіске жетіп, бес рет жеңілген және бір рет тең түскен.

Ал оның қарсыласы Терри Флэнаган 32 жекпе-жекке шығып, бәрін де жеңіспен аяқтады (13 нокаут).