Маркес: «Головкинмен жекпе-жектен бас тартқаны үшін Канелоны қашан да сынайды»

Әлемнің бұрынғы чемпионы Хуан Мануэль Маркестің пікірінше, Геннадий Головкинмен жұдырықтасудан бас тарту Сауль Альварестің абыройына нұқсан келтірді.

- Канело супержұлдыз болу мақсатына қол жеткізіп жатыр, бірақ мұндайда сенімге ие болу қажет. Ол өз деңгейіндегі боксшылармен кездесіп жүрген жоқ және жанкүйерлер оның шешімдерін дұрыс қабылдамайды. Сенім - ол үшін үлкен мәселе. Орта салмақта Головкинмен жекпе-жек өткізіп, титулын қорғап қалуы керек еді, бірақ ол бұлай жасамады, енді оған қай жерде де сын айтылады, - деді Маркес.