Уорд танымалдылық жағынан Головкинге жақындай түсті

Бүгін америкалық боксшы Андре Уорд ресейлік Сергей Ковалевты ұпай санымен жеңіп, әлем боксшыларының арасында танымалдылығы жағынан екінші орынға табан тіреді.

ҚазАқпараттың хабарлауынша, ең танымал боксшылардың рейтингін әлі WBA Super, IBF, IBO, WBC дәрежелері бойынша чемпион, орта салмақтағы қазақстандық Геннадий Головкин бастап тұр.

Уорд орта салмақта WBA Super, IBF және WBO дәрежелері бойынша өзін мойындатты. Бұған қоса Андре орта салмақта The Ring, WBC пен WBA дәрежелері бойынша да чемпион.