UFC спортшылары төмен деңгейлі боксшыларды да жеңе алмайды - Атлас

Танымал бапкер  Тедди Атлас америкалық кіші Флойд Мейуэзер мен Конор МакГрегор арасында өтуі мүмкін жекпе-жек жайлы пікір білдірді, деп жазады sports.ru.

"Конор - мықты жігіт және тамаша промоутер. Мұхаммед Әлиден кейін өзін осыншалықты жарнамалаған адам болмады.

UFC ұйымындағы жігіттер шынымен қатігез спортшылар. Ал боксқа келер болсақ, ММА спортшыларының көңіліне тисе де бұл шындық, олардың барлығы үңгір адамдарының деңгейінде жұдырықтасады. Олар үшінші деңгейдегі боксшыларды да жеңе алмайды.

Деңгейі төмен кәсіпқой боксшылардың өзі кез-келген ММА спортышысын оңай жеңе алады. Бұл бокстың ережесімен өтетін жекпе-жек жайлы. МакГрегорда мүмкіндік жоқ", - деді Атлас.