Биыл «Еуразия барысы» алғаш рет «Алматы Арена» спорт кешенінде өтеді

<p style="text-align: justify;"> <strong>Қазақ күресінен &laquo;Еуразия барысы&raquo; турнирі 2016 жылдың 2-ші қазанында 12 мың орындық &laquo;Алматы Арена&raquo; спорт кешенінде өтеді. Аталған турнир Қазақстан тәуелсіздігінің 25 жылдығы мен Алматы қаласының 1000 жылдығына арналады. Сайысқа 8 елден, 130 қатысушы келеді деп жоспарланған.</strong></p> <p style="text-align: justify;"> ҚазАқпараттың хабарлауынша, трансляциялар &laquo;Қазспорт&raquo; және &laquo;Боец&raquo; каналдарынан жүргізіледі. &laquo;8 елдің ең мықты балуандары &laquo;Еуразия барысы&raquo; атану үшін сайысқа түседі. Біз, Алматы қаласы өзінің 1000 жылдық тойында осындай мәртебелі жарысты қабылдайтынына қуаныштымыз. Сондай-ақ, бұл жаңа спорт кешені &laquo;Алматы Аренада&raquo; өтетін ең бірінші халықаралық турнир болмақ&raquo;, - деді Алматы қалалық қазақ күресі федерациясының вице-президенті Мақсат Қиқымов.</p> <p style="text-align: justify;"> &laquo;Алматы Аренада&raquo; &laquo;Еуразия барысын&raquo; өткізу аталған спорт кешенінің әлеуетін байқап көруге мүмкіндік бермек. Өйткені, бұл спорт нысанында 2017 жылдың қаңтар-ақпан айында қысқы Универсиада ойындарының ашылу және жабылу салтанаттары мен мәнерлеп сырғанау және керлингтен сайыстар өтеді. Сондай-ақ, қыркүйек айынан бастап, &laquo;Алматы Аренада&raquo; қазақ күресімен айналысуға арналған зал ашылады деп жоспарланған. Онда күн сайын, Алматы тұрғындарына арнап, аталған спорт түрінен күндізгі және кешкі жаттығулар өткізіледі.</p> <p> &nbsp;</p>