Серік Сәпиев: «Жарыста қалған боксшыларымыздың бәрі «алтынға» таласады»

<p style="text-align: justify;"> <strong>Бокстан Олимпиада чемпионы Серік Сәпиев ProsportKz.kz тілшісіне қазақстандық боксшылардың өнері жайлы айтып берді. &nbsp;</strong></p> <p style="text-align: justify;"> - Жігіттердің дайындығы жақсы. Бәрі бір-бірін қолдауда. Әрине, ұтылған боксшыларымызда бар. Бірақ көбісі әлі жарыс жолында. Оларға мен тек сәттілік тілеймін. Сондай-ақ, Баландин мен Рахимовты Олимпиаданың алтын жүлдесімен құттықтағым келеді.</p> <p style="text-align: justify;"> <strong>- Қазақстандық боксшылардың өнері жайлы не айта аласыз?</strong></p> <p style="text-align: justify;"> - Бәрі бабында. Барлықтарының өнері ұнауда. Әдемі бокс көрсетіп жатыр. Жарыста қалған боксшыларымыздың бәрі &laquo;алтынға&raquo; таласады. Енді оларды алда өте тартысты жекпе-жектер күтіп тұр. &nbsp;</p> <p style="text-align: justify;"> <strong>- Василий Левиттің &laquo;алтын&raquo; алуы мүмкін бе?</strong></p> <p style="text-align: justify;"> - Левиттің ресейлік Тищенконы ұтып, Олимпиада &laquo;алтынын&raquo; алатын жақсы мүмкіндігі бар. Вася Рио-да керемет өнер көрсетуде. Левиттің жеңісіне сенеміз. Данияр Елеусіновтың жартылай финалдағы қарсыласы аса мықты емес, бірақ финалға шығып жатса, онда қиын болатыны анық.</p> <p style="text-align: justify;"> <strong>- Дычконың ширек финалдағы қарсыласы жайлы пікіріңіз қандай?</strong></p> <p style="text-align: justify;"> - Меджидовпен салыстырғанда нигериялық боксшымен жеңілірек болады деп ойлаймын. Иван жартылай финалға өтуі тиіс. Артынша, финалға шығуы да мүмкін. Жалпы барлық боксшыларымыз мықты. Жігіттер ел намысын абыроймен қорғап, бар күштерін салуда.</p>