Жәнібек Әлімханұлы ширек финалда Ақтөбенің тумасымен кездесетін болды

<p style="text-align: justify;"> <strong>75 келі салмақта өнер көрсететін қазақстандық боксшы Жәнібек Әлімханұлының Риодағы ойындардың ширек финалында кіммен кездесетіні белгілі болды.</strong></p> <p style="text-align: justify;"> Тengrinews.kz ақпараттық порталының мәлімдеуінше, қазақстандық боксшының қарсыласы 1/8 финалда ресейлік Артем Чеботаревті 2:1 (29-28, 29-28, 28-29) есебімен жеңген әзірбайжандық Камран Шахусаврлы болады.</p> <p style="text-align: justify;"> 25 жастағы Камран Шахусаврлы Ақтөбе қаласында дүниеге келген. Сондай-ақ, ол Қазақстандағы спорт шеберлерінің бірі. Камран 2011 жылы Серік Қонақбаевтың жүлдесі үшін турнирде жеңімпаз болып, қалалық команданың құрамасында болған еді.</p> <p style="text-align: justify;"> Айта кетейік, Әлімханұлы - Шахусаврлы жекпе-жегі 15 тамызда Астана уақыты бойынша сағат 22.00-де басталады. Тікелей эфирді &laquo;Хабар&raquo; телеарнасынан көре аласыздар.</p> <p> &nbsp;</p>