Денис Ұланов Олимпиада жүлдесінен шет қалды

<p style="text-align: justify;"> <strong>Рио Олимпиадасында ауыр атлетикадан ерлер арасында 85 келіге дейін салмақ дәрежесінде сайыс аяқталды.</strong></p> <p style="text-align: justify;"> Бұл салмақта еліміздің намысын Денис Ұланов қорғаған. Жұлқа көтеруде қазақстандық ауыр атлет алғашқы мүмкіндігінде 170 келіні еңсерсе, артынша 175 келі&nbsp; зілтемірді бағындыра алды. Ал серпе көтеру жаттығуында үш мүмкіндігінің соңғысын ғана пайдалана алды - 215 келі. Осылайша, Денис Ұланов қос жаттығу бойынша 390 келіні көрсетіп, жүлдеден шет қалды. Дәл осындай салмақты көрсеткен румыниялық Габриэль Синкраян біздің спортшыдан сәл жеңілдеу болып, қола медальға қол жеткізді.&nbsp;</p> <p style="text-align: justify;"> Ал бұл салмақта Рио Олимпиадасының чемпионы атағын ирандық Киануш Ростами алды. Ал күміс медаль қытайлық Тянь Таоның еншісінде.&nbsp;</p> <p> &nbsp;</p>