Елбасы Рахимов пен Баландинді Рио Олимпиадасындағы жеңістерімен құттықтады

<p style="text-align: justify;"> <strong>Мемлекет басшысы Нұрсұлтан Назарбаев Нижат Рахимов пен Дмитрий Баландинді Рио-де-Жанейрода өтіп жатқан Олимпиада ойындарындағы жеңістерімен құттықтады. Президент Олимпиада чемпиондарына жеделхат жолдады.</strong></p> <p style="text-align: justify;"> ҚазАқпараттың хабарлауынша, Нұрсұлтан Назарбаев Нижат Рахимовқа жаңа жеңістер мен жетістіктер тіледі.</p> <p style="text-align: justify;"> &laquo;Қазақстандықтар сенің өнеріңді зор қызығушылықпен және үлкен үмітпен тамашалады. Сен олардың үмітін толық ақтадың. Жоғары спорттық шеберлігің, жанкештілігің мен асқан ерік-жігерің саған қиын күресте мықты қарсыластарды жеңіп шығып, Қазақстанның олимпиадалық командасына алғашқы алтын медальді әперуге көмектесті. Сенің жеңісің елдің жас спортшылары үшін лайықты үлгі болары анық&raquo;, - деп атап өтті Мемлекет басшысы.</p> <p style="text-align: justify;"> Елбасы Дмитрий Баландинді құттықтай отырып, жүзушінің теңдессіз табысы Қазақстан спортының шежіресінде мәңгілік қалады, деп мәлімдеді.</p> <p style="text-align: justify;"> &laquo;Сенің жарқын жеңісің қазақстандықтарға зор қуаныш сыйлады. Даңқты қарсыластармен жанкешті және қиын сайыста жеңіп алған алтын медаль - сенің жоғары шеберлігіңнің, мақсатқа талпынуыңның, ерік күшің мен қайрат-жігеріңнің көрсеткіші. Сенің теңдессіз табысың Қазақстан спортының шежіресінде мәңгілік қалады&raquo;, - деп атап өтті Н.Назарбаев.</p> <p style="text-align: justify;"> Қазақстан Президенті спортшының келешекте жаңа белестерді бағындыруына тілектестік білдірді.</p> <p style="text-align: justify;"> Еске сала кетсек, Олимпиада ойындарында ерлер арасында 200 метр қашықтыққа жүзуден финалдық сайыста&nbsp;жерлесіміз Дмитрий Баландин&nbsp;2:07,46 көрсеткішімен мәреге жетіп, Қазақстан қоржынына Рио Олимпиадасының екінші алтын медалін салды.<br /> Баландин жүзу бойынша алғашқы қазақстандық Олимпиада чемпионы атанды.</p> <p style="text-align: justify;"> Ал, Рио-де-Жанейрода 77 келіде ерлер арасында өнер көрсеткен ауыр атлетіміз Нижат Рахимов қоссайыстың қорытындысы бойынша 379 (165+214) келі нәтижемен&nbsp;алтын жүлдеге ие болды.&nbsp;</p> <p style="text-align: justify;"> Сонымен қатар, ауыр атлетші Жазира Жаппарқұл&nbsp;күміс жүлдеге қол жеткізді.</p> <p style="text-align: justify;"> Осылайша&nbsp;қазір&nbsp;Қазақстан Олимпиада медальдар саны бойынша жалпы есепте&nbsp;11-орынға көтерілді, оның алғашқы орнына АҚШ орналасқан (10-11-9), екіншіде - Қытай (9-4-8), үшінші орынға Жапония (8-1-10) тұрақтады. &nbsp;&nbsp;</p>