Алексей Ни: «Карина Горичева медаль алады»

<div style="text-align: justify;"> <strong>Ауыр атлетикадан Қазақстан құрамасының бас бапкері Алексей Ни Рио-де-Жанейродағы Олимпиада-2016 ойындарында Карина Горичеваның мүмкіндіктері туралы ойымен бөлісті.</strong></div> <div style="text-align: justify;"> &nbsp;</div> <div style="text-align: justify;"> Тengrinews.kz порталының мәлімдеуінше, маман зілтеміршінің ең басты қасиетін айтып, көп жағдайдың көңіл-күйге байланысты екенін айтты.</div> <div style="text-align: justify;"> &nbsp;</div> <div style="text-align: justify;"> &laquo;Біздің ойымызша, ол екінші орын алуы керек. Медаль болады. Медаль болуы үшін барлығын жасаймыз. Фархад Харки мен Маргарита Елисеева секілді ол да салмақ қуып жүрген жоқ, сәл шегергені болмаса. Бұл орайда оған жеңіл болады. Ол физикалық тұрғыдан өте жақсы қалпында. Көп мәселе әйел психологиясына байланысты, Оның салмағында мықты қарсыластар бар, Қытайдан және Тайваньнан. Көрейік, қалай өтетінін&raquo;, - деді Ни.</div> <div style="text-align: justify;"> &nbsp;</div> <div style="text-align: justify;"> Айта кетейік, Карина Горичева өнер көрсететін 63 келі салмаққа дейінгі жарыстар Астана уақытымен 00.30-да басталады. Тікелей эфирден "Қазақстан" арнасы көрсетеді.</div> <div style="text-align: justify;"> &nbsp;</div> <div style="text-align: justify;"> Осыған дейін, Олимпиада-2016 ойындарында қазақстандық үш ауыратлет өнер көрсетті. Сонымен, Маргарита Елисеева (48 келіге дейін) бесінші орын, Арли Чонтей (56 келіге дейін) төртінші орын, Фархад Харки (62 келіге дейін) үшінші орынға табан тіреп, қола медальді иеленді.</div>