Аршавин-Бенаюн - 1:1

<p> <strong>Еуропа Лигасының екінші іріктеу кезеңінде алматылық &laquo;Қайрат&raquo; пен израилдық &laquo;Маккаби&raquo; кездесу өткізген болатын. Алматылық ұжым соңғы минутта қақпасына гол жіберіп, жеңісті уыстан жіберіп алды.</strong></p> <p> &nbsp;</p> <p style="text-align: justify;"> Алаң иелері бірінші минуттан допқа иелік етіп, шабуыл ұйымдастырмақ болған. алайда қонақтардың сауатты қорғанысы алматылықтардың жылдам гол соғуына кедергі болды. 8-минутта Жерар Гоу қақпаны дәл көздеген болатын. Бірақ қапталдағы төреші жалаушасын көтеріп, шабуылшының ойыннан тыс қалғанын көрсетті. Гол саналмады.&nbsp;</p> <p style="text-align: justify;"> Алматылықтардың толассыз шабуылынан кейін қонақтар өзіне келіп, қауіпті шабуылдар ұйымдастырды. 20-минутта Носа игиебор орталық қорғаушылардан сытылып шығып, көтерілген допты баспен ұрған болатын. Плотников орнында. 22-минутта, тағы сол, Игиебор сол қанаттан көтерген допқа бірінші жетіп, баспен соққы бағыттады. Осы жолғы соққыны Плотников әзер ұстады.&nbsp;</p> <p style="text-align: justify;"> 29-минутта Жакро Маркович Жерар Гоуға доп жеткізіп, тиісінше Гоу допты Аршавинге қалдырды. Келген допты бірден қақпаға тепкен Аршавин допты қақпада тулатты. Есеп 1:0.</p> <p style="text-align: justify;"> 67-минутта Исаэль қақпашымен бірге-бір шығып, қақпаға дәл соққы бағыттай алмады. Ойынның соңғы он минутында израилдық &nbsp;команда шабуылдарын үдеткен болатын. Қонақтардың еңбегі еш кетпеді. &nbsp;Ойынға қосалқы құрамнан қосылған Йосси Бенаюн есепті теңестіріп кетті. Есеп: 1:1.</p> <p style="text-align: justify;"> Ойын соңында Исламхан қызыл қағаз алып, команданы 10 ойыншымен қалдырған болатын. Есеп өзгеріссіз қалды. 1:1.</p> <p style="text-align: justify;"> &nbsp;</p> <p style="text-align: justify;"> Голдар: 29&#39; Андрей Аршавин, 90+1&#39; Йосси Бенаюн</p> <p style="text-align: justify;"> Сары қағаз: 55&#39; Галь Аберман (Маккаби), &nbsp; &nbsp; 59&#39; Жарко Маркович (Қайрат)</p> <p style="text-align: justify;"> Қызыл қағаз: 90+&#39; Бауыржан Исламхан(Қайрат)</p> <p style="text-align: justify;"> Алмасқан ойыншылар: 72&#39; Иосси Бенаюн (Таль Бен Хаим), 73&#39; Исламбек Қуат (Андрей Аршавин), &nbsp;82&#39; Гаэль Тавамба (Жерар Гоу), 84&#39; &nbsp;Барак Ицхаки (Носа Игиебор)</p>