«Астана» Чемпиондар лигасын тең ойынмен бастады

<p style="text-align: justify;"> <strong>Елордалық &laquo;Астана&raquo; УЕФА Чемпиондар лигасының екінші іріктеу кезеңінде алғашқы матчын өткізді.</strong></p> <p style="text-align: justify;"> Литваның Вильнюс қаласында өткен &laquo;Жальгирис&raquo; пен &laquo;Астана&raquo; матчында командалар тең тарқасты. Кездесудің алғашқы таймында командалар шабуылға бар күшін салмай, бір-бірін барлаумен болды. Нәтижесінде жанкүйерлер қауіпті шабуылдарды көп көре алмады.</p> <p style="text-align: justify;"> Үзілістен кейін қос клуб та белсенділік танытқанымен, ойында есеп ашылмады. &laquo;Астана&raquo; сабынан Таңат Нөсербаев, Серікжан Мұжықов және Патрик Твумаси алыстан қауіпті соққылар жасап көрген. Бірінде доп қиыс кетіп жатса, екіншісін алаң иелерінің қақпашысы алып шықты. Ойынның соңына таман &laquo;Жальгирис&raquo; ойыншылары есепті ашуға жақын болған. Алғашқысында доп Эрич қақпасының бағанасына тисе, 87-минутта қарымта шабуыл кезінде литвалық екі футболшы біздің қақпашымен жеке қалған болатын. Бірақ елордалық Ненад Эрич өз командасын құтқарып қалды.</p> <p style="text-align: justify;"> Осылайша, &laquo;Астана&raquo; Чемпиондар лигасы екінші іріктеу кезеңінің алғашқы матчында тең түсті. Енді келесі аптада &laquo;Астана Аренада&raquo; қарымта кездесу өтеді.</p> <p style="text-align: justify;"> &laquo;Жальгирис&raquo; - &laquo;Астана&raquo; 0:0</p> <p> &nbsp;</p>