Азат Нұрғалиев: «Астанада» ойнау мүмкіндігі бәріне беріле бермейді»

<p style="text-align: justify;"> <strong>Жақында ғана &laquo;Астанаға&raquo; ауысқан Азат Нұрғалиев Prosportkz.kz тілшісіне &laquo;Ордабасыдан&raquo; не үшін кеткенін және &laquo;Қайратпен&raquo; өткен кездесу жайлы айтып берді.</strong></p> <p style="text-align: justify;"> <strong>- Азат, &laquo;Астанаға&raquo; &laquo;Қайратты&raquo; ұту үшін не жетіспеді?</strong></p> <p style="text-align: justify;"> - Қос команда өте жақсы ойын көрсетті. Бізде де, &laquo;Қайратта&raquo; да, екінші таймда гол соғатын мүмкіндіктер болды. Тең нәтиже әділетті болар еді.&nbsp;</p> <p style="text-align: justify;"> <strong>- Елордалық клуб сабындағы алғашқы матчыңызда <strong>&laquo;</strong>Қайрат<strong>&raquo; </strong>сынды командаға қарсы ойнау қаншалықты ауыр болды?</strong></p> <p style="text-align: justify;"> - &laquo;Қайратпен&raquo; ойынға бір күн қалғанда &laquo;Астанаға&raquo; ауыстым. Аса қиналған жоқпын. Бір чемпионатта ойнаймыз,&nbsp; бұған қоса көп ойыншыларын Ұлттық құрамадан бері танимын. Трансфердің тым ұзаққа созылуы ғана мен үшін ауыр болды. Бірақ Аллаға шүкір, ауыстым, енді &laquo;Астанаға&raquo; көмектескім келеді.</p> <p style="text-align: justify;"> <strong>- Елордалық клубқа жалға берілдіңіз бе әлде қалай? </strong></p> <p style="text-align: justify;"> - Шым айтсам, өзім де білмеймін.</p> <p style="text-align: justify;"> <strong>- Екі аптадан кейін Чемпиондар лигасы басталады. Басты мақсат - былтырғы нәтижені қайталау ма?&nbsp; </strong></p> <p style="text-align: justify;"> - Қазір осал қарсыластар жоқ. Әр ойында соңына дейін ойнауымыз қажет. Топтық кезеңге шыға аламыз деген ойдамын.</p> <p style="text-align: justify;"> <strong>- &laquo;Ордабасыдан&raquo; кету қаншалықты ауыр болды?</strong></p> <p style="text-align: justify;"> - Әрине, бұл шешімді қабылдау мен үшін қиын болды. &laquo;Ордабасыға&raquo; алғыс айтқым келеді. Маған қолдау көрсеткен жанкүйерлеріме, бапкерлеріме, командаластарыма көп рахмет. Бірақ, бұл өмір - мұнда бәрі мүмкін. &laquo;Астана&raquo; сияқты командада ойнау мүмкіндігі бәріне беріле бермейді. Жанкүйерлер мені түсінетін шығар деген ойдамын. Ал &laquo;Ордабасыға&raquo; мен сәттілік тілеймін!</p> <p style="text-align: justify;"> <strong>- &laquo;Ордабасы&raquo;&nbsp; жақын күндері Еуропа лигасында сербиялық &laquo;Чукаричкимен&raquo; кездеседі. Шымкенттік клуб келесі кезеңге өте алады ма?</strong></p> <p style="text-align: justify;"> - Сербиялық клуб - мықты қарсылас. &laquo;Ордабасыға&raquo; тек жеңіс тілеймін. Шымкенттік клуб келесі кезеңге өтеді деген үміттемін.&nbsp;</p>