Андрей Аршавин: «Қазір қазақ тілін үйреніп жатырмын»

<div style="text-align: justify;"> <strong>Қазір Алматының &laquo;Қайраты&raquo; сабында ойнап жүрген Ресей құрамасының бұрынғы шабуылшысы Андрей Аршавин бұл командадан кеткеннен кейін футболшылық мансабына нүкте қоятын ойы барын мәлімдеді.</strong></div> <div style="text-align: justify;"> &nbsp;</div> <div style="text-align: justify;"> Nur.kz порталының мәлімдеуінше, Аршавин биылғы қыста екі жақты келісіммен Краснодардың &laquo;Кубанымен&raquo; арадағы келісім-шартын үзген болатын. Наурыз айында ол &laquo;1+1&raquo; схемасы бойынша &laquo;Қайраттың&raquo; ойыншысы атанды.</div> <div style="text-align: justify;"> &nbsp;</div> <div style="text-align: justify;"> Алматылық клубтан кейін футболшылық мансабын тоқтату ықтималдылығы туралы қойылған сұраққа футболшы: &laquo;Негізі, солай болатын шығар&raquo;, деп жауап берген.</div> <div style="text-align: justify;"> &nbsp;</div> <div style="text-align: justify;"> 35 жастағы спортшы сондай-ақ қазақ тілін үйренгісі келетін-келмейтіні туралы сұраққа да жауап қайтарыпты.</div> <div style="text-align: justify;"> &nbsp;</div> <div style="text-align: justify;"> &laquo;Мен үйреніп те жатырмын. Шын мәнінде біраз сөздерді білемін. Мысалы, қар дегеніміз &ndash; снег, ал орталық &ndash; центр. Қазақ тілі &ndash; мен үшін қиын тіл, бірақ уақыт өте келе тым болмаса ол тілде жұрттың не айтып жатқанын ұғатын хәлге жете алатын шығармын деп ойлаймын&raquo;, &ndash; деді Аршавин.</div> <div style="text-align: justify;"> &nbsp;</div> <div style="text-align: justify;"> Бұдан бұрын Андрей Аршавин Санкт-Петербургтің &laquo;Зениті&raquo; (1999-2008, 2012, 2013-2015) мен Лондонның &laquo;Арсеналында&raquo; (2009-2013) өнер көрсеткен. Ол &laquo;Зениттің&raquo; құрамында Ресейдің үш дүркін чемпионы атанды, екі рет турнирдің күміс медалінің иегері болды, бір-бір реттен УЕФА Кубогі мен Суперкубогын, Ресей Суперкубогы мен премьер-лига Кубогын жеңіп алды. 2002-2012 жылдары Ресей құрамасы сапында хавбек ретінде 75 матч ойнап, 17 гол салды. Команданың капитаны дәрежесінде 2008 жылы Еуропа чемпионатында қола медальге қол жеткізді.</div> <div> &nbsp;</div>