Пеле барлық марапаттарын аукционға шығарды

<p> <strong>Атақты бразилиялық футболшы Пеле 60 жыл спорттағы қол жеткізген марапаттарының коллекциясын аукционға шығарды. Үш күндік аукцион Лондонда сейсенбі күні ашылады.</strong></p> <p> ҚазАқпараттың мәлімдеуінше, аукцион спорттық құндылықтарды сату бойынша тарихтағы ең ірі аукцион болмақ. Саудаға барлығы екі мыңнан астам жәдігер қойылды. Оларды сатудан 7,2 млн доллар түседі деп күтілуде.</p> <p> Футболшы өзінің марапаттары мұражайлар мен жеке коллекцияларда сақталғанын қалайтынын айтқан. Ол түскен пайданың бір бөлігін қайырымдылыққа жұмсайтынын жеткізді.</p> <p> Пеле ФИФА футбол комиссиясының нұсқасы бойынша - XX ғасырдың үздік футболшысы және Халықаралық Олимпиада комитетінің нұсқасы бойынша - XX ғасырдың үздік спортшысы деп танылған.&nbsp;</p> <p> &nbsp;</p>