Самат Смақов: «Жарнамаға түсуге құлықсызбын»

Қазақстан мен әлем спортындағы ең қызық жаңалықтарды бірінші болып біл

<div style="text-align: justify;"> <strong>«Ақтөбе» футбол клубының капитаны, даңқты футболшы Самат Смақовты елімізде танымайтын адам кемде-кем. Қазақ спортында өзіндік қолтаңбасы бар оны пір тұтып, тіпті қазірдің өзінде аңызға айналған тұлға деп есептейтіндер аз емес. Бір белгілісі, қазақ футболшысы дегенде ауызға алдымен осы Самат ілігеді…</strong></div> <div style="text-align: justify;">  </div> <div style="text-align: justify;"> <strong>…Сәнді киініп, қашанда сырбаз мінезінен танбайтын №8 жейделі атақты ойыншымен екеуара әңгімеміз тек спорт жөнінде болмады, жеке өмірі — отбасы, алдағы жоспары мен көпшілікке беймәлім қырлары төңірегінде де сөйлестік. </strong></div> <div style="text-align: justify;">  </div> <div style="text-align: justify;"> <strong>— Өзіңізбен сұхбаттасу үшін екі апта хабарыңызды күттік. Шынымен уақытыңыз тығыз ба, әлде журналистермен жүздескенді қаламайсыз ба?</strong></div> <div style="text-align: justify;">  </div> <div style="text-align: justify;"> — Білмеймін, барлығымен қарым-қатынасым жақсы сияқты. Біреумен сөйлесіп, екіншісімен әңгімелесуден бас тартқан кезім есімде жоқ. Бұны мен журналистерге қатысты айтып отырмын. Мүмкін, бұл жағдай бір сәті түспегеннен орын алған шығар. Ең бастысы, екеуміз бүгін жүздесіп отырмыз ғой.</div> <div style="text-align: justify;">  </div> <div style="text-align: justify;"> <strong>— Дей тұрғанмен, сізбен сөйлеспестен бұрын ғаламторды шарлап шыққанымнан байқағаным, қазақтілді баспасөзге, жалпы ақпарат құралдарына сұхбат беруіңіз өте сирек екен…</strong></div> <div style="text-align: justify;">  </div> <div style="text-align: justify;"> — Бірден мойындайын, қазақшаны онша білмегендігімнен болар. Біз Кеңес Одағы кезінде тудық қой, оның үстіне ес білгелі қаладамыз. Әрі сол уақытта қала бойынша тек бір-ақ қазақ мектебі бар еді, ол алыста дегендей… Бүгінде мемлекеттік тілге келгенде ақсап жататынымыз сондықтан. Бірақ, тілді меңгеруге деген ұмтылыс бар.</div> <div style="text-align: justify;">  </div> <div style="text-align: justify;"> <strong>— Қалың жұртшылыққа Самат футболшы ретінде ғана жақсы таныс. Күнделікті өмірде қандайсыз?</strong></div> <div style="text-align: justify;">  </div> <div style="text-align: justify;"> — Меніңше, отбасылы екенімді, балаларымның барын бәрі біледі. Ал адам ретінде қандай екенімді айтар болсам, мен шындықты жақсы көремін. Өзіме ұнамаған нәрсені ол кім болса да, бетіне айтуға дағдыланғанмын. Осы қасиетімнен шығар, мені адамдардың көпшілігі жақтырмайды (күліп).</div> <div style="text-align: justify;">  </div> <div style="text-align: justify;"> <strong>— Күн сайын спорттық жаттығулардан басқа не істейсіз? Күн тәртібіңізді білсек…</strong></div> <div style="text-align: justify;">  </div> <div style="text-align: justify;"> — Шыны керек, біздің тәртіппен ұзақ ұйықтай да алмайсың. Әдетте сол сағат 9-ға дейін ұйықтаймын. Егер таңғы жаттығулар жоспарланса, одан ерте оянатыным да бар. Сосын күнбе-күн қайталанатын дайындық жұмыстары, осындай кездесулер, басқа да шаруалар. Анау айтқандай бос уақыт бола бермейді. Қолым қалт ете қалса, осындағы достарыммен бильярд ойнағанды жаным сүйеді.</div> <div style="text-align: justify;">  </div> <div style="text-align: justify;"> Ұйықтар алдында кино көруді әдетке айналдырғанмын. Жалпы, жұрт қатарлы түнгі сағат 12-01 шамасында жастыққа басым тиеді.</div> <div style="text-align: center;"> <img alt="" src="/cms/uploads/images/i_s9SGf3I8A.jpg" style="width: 600px; height: 400px;" /></div> <div style="text-align: justify;"> <strong>— Өзіңіз жұмыс бабымен Ақтөбедесіз, отбасыңыз — Алматыда. Балаларыңызды бақылау, жалпы олардың тәрбиесімен айналысу қиынға соғатын шығар?</strong></div> <div style="text-align: justify;">  </div> <div style="text-align: justify;"> — Иә, өте қиын. Әрі балаларың енді өсіп келе жатқанда, олардың қызықтарына куә бола алмауың оңай емес. Әсіресе, кішкентайымды ойлап, қатты сағынамын. Үлкен ұлымның болса, жұмысы менен қауырт (жымиып). Таңертең курстарға барса, түс ауа жаттығуларға жүгіреді. Қызым да солай.</div> <div style="text-align: justify;">  </div> <div style="text-align: justify;"> Бәрі ойдағыдай болса, отбасым шілде айында осында келеді. Сол кезде сағынышымды басамын деп ойлаймын.</div> <div style="text-align: justify;">  </div> <div style="text-align: justify;"> <strong>— Сонда оларға мүлде бара алмайсыз ба? Басшылықпен келісімге келіп, ара-тұра сапарлата ма десем..</strong></div> <div style="text-align: justify;">  </div> <div style="text-align: justify;"> — Жоқ. Тек демалыс, мейрам күндері орайы келсе, 1-2 күнге ұшақпен барып келемін. Әйтпесе, басқа футболшылардай ылғи осындамын ғой. Барлығымызға талап бірдей.</div> <div style="text-align: justify;">  </div> <div style="text-align: justify;"> <strong>— Қызыңыз көркем гимнастикамен шұғылданса, үлкен ұлыңыз жолыңызды қууға бекінген екен. Балалардың бұл таңдауына әкесінің ықпалы тиді ме?</strong></div> <div style="text-align: justify;">  </div> <div style="text-align: justify;"> — Менде «Сен қалайда осы спортпен айналысуың керек» деген болмады. Өздері кішкентайынан спортқа бейім боп өсті. Самирамның жасы 11-ден асты, мектепке барғаннан осы спорт түрін қолай көрді. Ал үлкен ұлым Аламгир жақында 8 жасқа толды, ол да кішкентайынан футбол десе, ішер асын жерге қояды. Әкесіне ұқсағысы келгені шығар… Ең қызығы, оған допты қалай тебу керектігін, футболдың өзге де қыр-сырын көрсетпесем де, бәрін өзі үйренді. Бұл кілең футболшылардың арасында өскендігінің әсерінен деп білемін. Қаршадайынан дайындықтарымнан қалмайды ғой. Бүгінде ол Алматыдағы «Қайрат» академиясында жаттығып жүр. Өзі ойнайтын команданың капитаны. Яғни өмірін осы футболмен байланыстыруды мақсат етіп отыр. Кішкентайым Данияр 3 жасқа енді келеді. Үш баламның тәрбиесімен негізінен жолдасым Ума айналысады, мен де оған барынша қолдау көрсетуге тырысамын.</div> <div style="text-align: justify;">  </div> <div style="text-align: justify;"> <strong>— Сөзіңіз аузыңызда, балаларыңыздың есімі неге қызық? Зайыбыңыздың аты да ерекше…</strong></div> <div style="text-align: justify;">  </div> <div style="text-align: justify;"> — Келіншегімнің шын есімі — Үміт. Тек кішкентайынан бәрі оны Ума деп атап кеткен, содан мен де солай деймін. Ал балаларымыздың атын өзіміз қойдық. Самираның мағынасы көпшілікке түсінікті шығар, оған тоқталмай-ақ қояйын. Аламгир деуіміздің сыры — бұл есім парсы тілінде «әлемді билеуші» дегенге саяды. Әрі естілгенде де құлаққа жағымды. Кенже баламыздың атын досым Данияр Мұқановтың құрметіне қойдым. Өскенде сондай азамат болса, арманым жоқ. Үшеуінің де аты өзімізге ұнайды.</div> <div style="text-align: center;"> <img alt="" src="/cms/uploads/images/m0c4_i1mWQQ.jpg" style="width: 600px; height: 400px;" /></div> <div style="text-align: justify;"> <strong>— Отбасында негізінен орысша сөйлесесіз ғой?</strong></div> <div style="text-align: justify;">  </div> <div style="text-align: justify;"> — Жоқ, ауылдан анда-санда апаларымыз келгенде өз тілімізде де сөйлесеміз. Үйдегі бала күтушісіне де «Мейлінше қазақша сөйлесіңіз» деп ескертіп қойдым. Себебі қазақ тілі болашақта қай-қайсысымызға да керек болатынын жақсы түсінемін. Әрі өздерінің ана тілі дегендей.</div> <div style="text-align: center;">  </div> <div style="text-align: justify;">  </div> <div style="text-align: justify;"> <strong>— Қандай кітаптарды оқисыз?</strong></div> <div style="text-align: justify;">  </div> <div style="text-align: justify;"> — Жазушы Борис Акуниннің шығармаларын оқығанды жақсы көремін. Жақында сол кісінің туындысын қайталап оқып шықтым. Қазіргі күні Грегори Дэвид Робертстің «Шантарам» атты кітабын оқып жатырмын. Сондай-ақ, атақты адамдардың ғұмырнамалық кітаптарын назарымнан тыс қалдырмаймын.</div> <div style="text-align: justify;">  </div> <div style="text-align: justify;"> <strong>— Естуімше, отандық шоу-бизнес өкілдерінен араласатын достарыңыз көп екен. Болашақта киноға шақырту түссе, қалай қарайсыз?</strong></div> <div style="text-align: justify;">  </div> <div style="text-align: justify;"> — Бұл саладағы жора-жолдастарым шынымен көп. Олар мені түрлі түсірілімдерге жиі шақырады. Соңғы бірер жылда досым Нұртас Адамбайдың бір киносының эпизодында да ойнағанмын. Бірақ, менің ондайға аса құлшынысым да, ебім де жоқ. Уақыт та тапшы. Расын айтсам, өзімді бұл салада елестете алмаймын. Бұл іспен одан да кәнігі мамандар айналысса, сол дұрыс қой.</div> <div style="text-align: justify;">  </div> <div style="text-align: justify;"> <strong>— Шетелдік футболшылар жарнамаға да көп түседі. Бұл жағынан қалайсыз?</strong></div> <div style="text-align: justify;">  </div> <div style="text-align: justify;"> — Бұған да аса жоқпын. Тек бір спорт тауарларын сататын ірі фирмамен кезінде келісімшартқа отырғанмын, анда-санда соның роликтеріне қатысамын. Сол-ақ. Өз басым жарнамаға түсуге құлықсызбын.</div> <div style="text-align: center;"> <img alt="" src="/cms/uploads/images/RH8P1073(2).JPG" style="width: 600px; height: 400px;" /></div> <div style="text-align: justify;"> <strong>— Әлеуметтік желілер — фейсбук, твиттер, инстаграмның белсенді қолданушысысыз. Бұл сізге не берді?</strong></div> <div style="text-align: justify;">  </div> <div style="text-align: justify;"> — Ең әуелі жанкүйерлермен байланыс қой. Қолым бос кезде жаңа суреттерімді салып, маған тіркелген жандардың сұрақтарына жауап беріп, уақытымды тиімді өткізуге тырысамын. Әсіресе, әуежайда, жолда жүргенде бұл таптырмайтын ермек.</div> <div style="text-align: justify;">  </div> <div style="text-align: justify;"> <strong>— Футбол тақырыбына ойыссақ. Сіздің ойыңызша, оның бүгінгі халі қандай?</strong></div> <div style="text-align: justify;">  </div> <div style="text-align: justify;"> — Бұл сұраққа жауап беру қиын. Бір айтарым, өткен жылмен салыстырғанда, биылғы чемпионаттың деңгейі төмендеп кетті.</div> <div style="text-align: justify;">  </div> <div style="text-align: justify;"> <strong>— Бұл спорт түріне не жетпейді?</strong></div> <div style="text-align: justify;">  </div> <div style="text-align: justify;"> — Мен балалар — біздің болашағымыз деуден жалықпаймын. Соларға, жас футболшыларға жақсы жағдай жасаса, жаман болмас еді. Содан кейін жақсы нәтижені де талап етуге болады…</div> <div style="text-align: justify;">  </div> <div style="text-align: justify;"> Одан бөлек, Қазақстанда жақсы стадиондар жоқтың қасы. Мықты үлкен емес, 10-12 мың орынға арналған стадион салып берсінші, басқа тілегіміз жоқ. Сосын көктем мен күзді айтпағанда, жаз мезгілінде ойнайтын дұрыс алаң таппай қиналамыз. Осының бәрін ескеріп, жолға қойса, ойынның деңгейіне оңды әсер ететіні даусыз.</div> <div style="text-align: justify;">  </div> <div style="text-align: justify;"> <strong>— «Ақтөбе» футбол клубының толықтай дерлік жаңарғаны белгілі. Бірінші кезеңнің қорытындысы бойынша алғашқы алтылыққа іліге аламыз ба, қалай ойлайсыз? Облыс әкімі осындай меже қойды ғой.</strong></div> <div style="text-align: justify;">  </div> <div style="text-align: justify;"> — Бердібек Машбекұлының мұндай талап қоятындай орны бар. Мен оны жақсы түсінемін. Бірақ, біздің жас команда екенімізді, арамызда алаңға енді шыққан жігіттердің барын ұмытпауымыз керек. Сол себепті, жоғары нәтиже күтуге тағы болмайды. Дегенмен, Қазақстан чемпионатының екінші айналымы енді басталып жатыр, бар тартыс әлі алда. Менің ойымша, ойыншылардың барлығы соңына дейін психологиялық жағынан мықты болса, мұндай қарқынмен жақсы нәтижені күтуге әбден болады.</div> <div style="text-align: center;"> <img alt="" src="/cms/uploads/images/NeVrzoeiXFU.jpg" style="width: 600px; height: 400px;" /></div> <div style="text-align: justify;">  </div> <div style="text-align: justify;"> <strong>— Қазақ футболы жыл санап жастармен толығуда. Кейінгі буыннан кімнің аяқ алысы сізді сүйсіндіреді?</strong></div> <div style="text-align: justify;">  </div> <div style="text-align: justify;"> — Дұрыс айтасыз, жастардың саны көп. Оның ішінде таланттар да аз емес. Мәселен, Абат Айымбетов, Бағдат Қайыров, Асланбек Какимовтарды ерекше атай аламын. Оларға ылғи айтамын: «Егер футболды алдамасаңыздар, жақсы нәтижеге түбінде жетесіздер». Өз басым сөйттім, неғұрлым әділ, шынайы ойнауға тырыстым. Сол кезінде төккен терімнің бүгінде зейнетін көріп жатырмын, шүкір.</div> <div style="text-align: justify;">  </div> <div style="text-align: justify;"> <strong>— Қазақстандық командаларда, бізде де легионерлер әлі де азаймай тұр. Оларға көзқарасыңыз қандай?</strong></div> <div style="text-align: justify;">  </div> <div style="text-align: justify;"> — Бір анығы, легионер келсе, ол бәрінен мықты болуы шарт. Жергілікті ойыншылардан бір бас жоғары болса, оған төленген ақшаның қайтқаны деп білемін. Ал қаламақысы қолжетімді, соған сай деңгейі орташаларды алып керегі жоқ. Ондайлар өзімізде де бар… Және мен бұны өзіміздің командамызға қаратып айтып отырғаным жоқ, бұл — жалпы қазақстандық футболға қатысты.</div> <div style="text-align: justify;">  </div> <div style="text-align: justify;"> <strong>— Жасыратыны жоқ, сіздің қазіргі жасыңыз футболшы үшін аз жас емес. Осы орайда спорттық карьеараңызда 1-2 жылда өзгерістің болуы мүмкін бе?</strong></div> <div style="text-align: justify;">  </div> <div style="text-align: justify;"> — (Күлді). Бәлкім, өзіме кезінде көп жақсылық жасаған, өмірімде де орны ерек командама қайтып келуімнің себебі — осында карьерамды аяқтауды қалағанымнан шығар. Бірақ, биыл ма, келесі жылы ма, қашан кететінімді өзім де білмеймін. Әйтеуір, бабымда болғанша үлкен спортпен қоштаспаймын.</div> <div style="text-align: justify;">  </div> <div style="text-align: justify;"> <strong>— Енді 10-15 жылдан кейін Саматты қалыптасқан бапкер ретінде көретін болармыз…</strong></div> <div style="text-align: justify;">  </div> <div style="text-align: justify;"> — Жоқ. Мұны мен анық айта аламын, бапкер болмаймын. Неге десеңіз, бұл жақсылық әпермейтін жұмыс. 1-2 турдан кейін сені қуып жіберуі бек мүмкін… Әйткенмен, осы футболдан алыстамайтыным хақ. Қалғанын уақыт көрсете жатар…</div> <div style="text-align: justify;">  </div> <div style="text-align: justify;"> <strong>— Әңгімеңізге рақмет!</strong></div> <div style="text-align: justify;">  </div> <div style="text-align: right;"> Әңгімелескен Айбек ТАСҚАЛИЕВ. <a href="http://www.aktobegazeti.kz">АҚТӨБЕ </a>газеті</div> <div style="text-align: justify;">  </div> <div style="text-align: justify;">  </div>

Ошибка в тексте? Выделите и нажмите Ctrl+Enter

Подписывайтесь на cпортивные новости Казахстана и мира

Комментарии

Для того, чтобы оставить комментарий, или