«Қазақстан» мен «Kazsport» арналары Еуропа чемпионатын көрсетеді

<div style="text-align: justify;"> <strong>&laquo;Қазақстан&raquo; Ұлттық телеарнасы мен &laquo;Kazsport&raquo; телеарнасы 10 маусым мен 10 шілде аралығы Францияның 10 қаласында өтетін футболдан Еуропа чемпионатын тікелей эфирде көрсетеді.</strong></div> <div style="text-align: justify;"> &nbsp;</div> <div style="text-align: justify;"> Бұл туралы бүгін &laquo;Қазмедиа орталығында&raquo; &laquo;Қазақстан&raquo; РТРК&raquo; АҚ футболдан Еуропа чемпионатын (UEFA EURO &ndash; 2016) көрсетуге байланысты өткен брифингінде корпорация Басқарма төрайымы Нұржан Жалауқызы айтты. Он бесінші рет өткізіліп жатқан спорттық турнирдің көрсетілім құқығын &laquo;Қазақстан&raquo; РТРК&raquo; АҚ 2014 жылы сатып алған болатын.</div> <div style="text-align: justify;"> &nbsp;</div> <div style="text-align: justify;"> Екі жыл көлемінде футболдан Қазақстан Ұлттық құрамасы қатысқан іріктеу турниріндегі трансляцияларынан бөлек, корпорацияға қарасты &laquo;Қазақстан&raquo; Ұлттық телеарнасы мен &laquo;Kazsport&raquo; телеарнасы UEFA EURO &ndash; 2016 финалдық кезеңінің жеребе рәсімі мен турнирге арналған бірнеше арнайы жоба эфирге шықты.</div> <div style="text-align: justify;"> &nbsp;</div> <div style="text-align: justify;"> 15-ші Еуропа чемпионатының финалдық кезеңінде алғаш рет 24 команда сынға түспек. &laquo;Қазақстан&raquo; Ұлттық телеарнасы турнирдегі 51 кездесудің 36-сын, ал, &laquo;Kazsport&raquo; телеарнасы 15 матчты тікелей эфирде көрсетеді. Сонымен қатар, барлық матчтардың қайталауын &laquo;Kazsport&raquo; телеарнасынан көре аласыздар.</div> <div style="text-align: justify;"> &nbsp;</div> <div style="text-align: justify;"> Негізгі трансляциялардан бөлек, UEFA EURO &ndash; 2016 кезінде арнайы студиялық бағдарлама жоспарлануда. Әрбір кездесудің алдында тікелей эфирге шығатын жоба барысында жүргізушілер мен студия қонақтары Еуропа чемпионатын талқылап қана қоймай, түрлі конкурстар ұйымдастыруды жоспарлауда.</div> <div style="text-align: justify;"> &nbsp;</div> <div style="text-align: justify;"> Әр күні назарларыңызға 3 матч ұсынылады. Кешкі сағат 18:50-де басталатын күннің алғашқы ойынын &laquo;Kazsport&raquo; телеарнасы, ал, сағат 21:50 мен 00:50-де басталатын ойындарды &laquo;Қазақстан&raquo; Ұлттық телеарансы тікелей эфирде көрсетеді.</div> <div style="text-align: justify;"> &nbsp;</div>