Дмитрий Огай: «Қызметімнен босатылғанымды телефон арқылы білдім»

<div style="text-align: justify;"> <strong>Бүгін қостанайлық &laquo;Тобыл&raquo; футбол клубының басшылығы бас бапкер Дмитрий Огайды нәтиженің көңіл-толтырарлықтай болмағанына байланысты қызметінен босатты. Жаттықтырушы өзінің жұмысынан кеткенін ұялы телефоны арқылы білгенін айтты, деп хабарлайды Kazfootball.kz.</strong></div> <p style="text-align: justify;"> &mdash; Қызметімнен кеткенімді таңертең білдім. Басшылар хабарласып, орнымнан босатылғанымды мәлімдеді. Негізі бұл әңгіменің шеті бұған дейін де шығып жүрген. Кеше ойыннан кейін шамалы сөйлестік. Бүгін осындай шешім қабылданды. Мен мақұлдадым.</p> <p style="text-align: justify;"> <strong>&mdash; Командадан Сіздің көмекшілеріңіз де кетеді деген әңгіме бар. Сол рас па? </strong></p> <p style="text-align: justify;"> &mdash; Ол туралы әлі нақты айта алмаймын. Қазір кешкі жаттығу кезінде тағы да басшылармен кездесіп, бұл сұрақты қарастырамыз. Сол жиында футболшылармен де қоштасамын.</p> <p style="text-align: justify;"> <strong>&mdash; Алдағы жоспарларыңыз туралы айтып өтсеңіз ...</strong></p> <p style="text-align: justify;"> &mdash; Дәл қазір ешқандай жоспар жоқ. Өйткені, мен жағдайдың дәл осылай өрбитінін білмедім. Енді демалып аламын. Отбасыммен біраз уақыт өткіземін. Өткен қателіктерімді сараптаймын. Содан кейін не боларын көре жатармыз.&nbsp;</p>