Қазақстан Суперкубогы. Астанада матч уақытында көлік қозғалысы шектеледі

<p style="text-align: justify;"> <strong>8 наурызда &laquo;Астана Арена&raquo; стадионында еліміздің қазіргі чемпионы &laquo;Астана&raquo; командасы мен алматылық &laquo;Қайрат&raquo; ФК ҚР суперкубогын сарапқа салатын болады. Матч өтетін уақытта қалада көлік қозғалысы шектеледі.&nbsp;</strong></p> <p style="text-align: justify;"> ҚазАқпараттың мәлімдеуінше, ойын елордалық стадионда сағат 15:00-те басталады. Сағат 13:00-те Қабанбай батыр және Тұран даңғылдары бойында Керей мен Жәнібек хандар көшесінен Хусейн бен Талал көшесіне дейінгі бөлігінде көлік қозғалысы тоқтатылады. Жолдар матч соңына дейін жабық болады. Сондықтан әуежайға баратын астаналықтарға және жақын маңдағы елді мекендердің тұрғындарына полицейлер айналып өту жолдарын алдын ала жоспарлауды ұсынады. Ең ыңғайлы жол - Орынбор көшесі арқылы жүру.</p> <p style="text-align: justify;"> Дәстүр бойынша футбол әуесқойлары үшін арнайы трансфер ұйымдастырылады. Автобустар жанкүйерлерді бес жерден алып кетеді: &laquo;Қазақстан&raquo; спорт сарайының жанындағы тұрақ, Қ. Мұңайтпасов атындағы стадионның, &laquo;Әзірет Сұлтан&raquo; және &laquo;Нұр Астана&raquo; мешіттерінің жанындағы тұрақтар, сондай-ақ, елордалық цирк жанындағы тұрақ.</p> <p style="text-align: justify;"> Астана қаласы ІІД жергілікті полиция қызметі жанкүйерлерден бұл күні қоғамдық көлікті пайдалануға шақырады.&nbsp;</p> <p style="text-align: justify;"> &nbsp;</p> <p> &nbsp;</p>