«Барселона» Неймарды Олимпиадаға жіберуге қарсы

<p style="text-align: justify;"> <strong>Каталониялық &laquo;Барселонаның&raquo; бразилиялық&nbsp;</strong><strong>әйгілі&nbsp;</strong><strong>шабуылшысы Неймар өз елінде өтетін Олимпиада ойындарына қатыспауы мүмкін.</strong></p> <p style="text-align: justify;"> Массагет.кз порталының мәлімдеуінше, &laquo;Блауграна&raquo; бразилиялық футболшының Олимпиадаға қатысуына үзілді-кесілді қарсы болуда. Риодағы дода футболшыны жаңа маусым алдында шаршататынын алға тартты. Ал Неймар болса Олимпиада чемпионы атануды армандайтынын осыған дейін айтқан болатын.</p> <p style="text-align: justify;"> Айта кетейік, Олимпиада ойындарындағы футбол ережесіне сәйкес, құрама сапына 23 жастан асқан үш ойыншыны қосуға болады. Осыған орай Бразилия ұлттық құрамасының бас жаттықтырушысы Дунга олимпиадалық құрамға &laquo;Барселонадан&raquo; Неймарды, &laquo;Интерден&raquo; қорғаушы Миранданы, қақпаға &laquo;Интернасьонал&raquo; ойыншысы Алиссонды шақырған-ды.</p> <p style="text-align: justify;"> Неймар Бразилия олимпиадалық құрамасымен 2012 жылы Лондонда өткен Олимпиада ойындарына қатысқан. Финалға дейін жеткен бразилиялықтар шешуші ойында Мексика құрамасына есе жіберіп алған еді.</p>