Түркістандық клуб тәжірибелі жартылай қорғаушыға қызығушылық танытып отыр
«Оқжетпестің» жартылай қорғаушысы Еркебұлан Нұрғалиев алдағы трансферлік кезеңде командасын ауыстыруы мүмкін, деп хабарлайды Prosports.kz.
Мәліметке сәйкес, 32 жастағы футболшыға түркістандық «Тұран» қызығушылық танытып отыр.
Клуб маусымның екінші бөлігі қарсаңында құрамын айтарлықтай күшейтуді жоспарлаған.
Түркістандық ұжым Бірінші лигада жеңіске жетіп, ҚПЛ-ға қайта оралуды мақсат етіп отыр. Осыған байланысты Нұрғалиев негізгі трансферлік нысандардың бірі ретінде қарастырылуда.
Футболшының ауысуына қатысты түпкілікті шешім жазғы трансферлік терезе ашылғаннан кейін қабылданады деп күтілуде.
Еркебұлан Нұрғалиев «Оқжетпес» сапына 2026 жылдың қысында қосылған болатын.
Биылғы маусымда тәжірибелі жартылай қорғаушы көкшетаулық клуб құрамында жеті матч өткізді.
ҚПЛ-дің 13 турынан кейін «Оқжетпес» 23 ұпаймен турнир кестесінде үшінші орында келеді.