Клубта трансферге жауапты маман әлі жоқ
«Атырау» алдағы трансферлік кезеңде құрамды бірнеше позиция бойынша күшейтуді жоспарлап отыр, деп хабарлайды Prosports.kz.
Мәліметке сәйкес, маусым басталғалы бері команда ойыншы тапшылығына тап болған. Бас бапкер Владимир Чебурин бірде-бір матчта рұқсат етілген бес ауыстырудың барлығын толық пайдалана алмаған.
Бұл жағдай клубқа шұғыл түрде жаңа футболшылар қажет екенін көрсетіп отыр.
Сонымен қатар жаңа ойыншыларды іріктеу мәселесі де ашық күйінде қалып отыр. Қазіргі таңда клуб құрылымында спорт директоры қызметі бос тұр.
Басшылықтың трансфер нарығындағы тәжірибесі мен байланысы жеткіліксіз екені айтылып, сапалы селекция жүргізу мәселесіне күмән туындап отырғаны хабарланды.
ҚПЛ-дің он турында «Атырау» 12 ұпай жинап, турнир кестесінде тоғызыншы орында келеді.