«Партизан» бапкері «Қызылжар» ойыншысы туралы пікір білдірді

Белградтың «Партизан» клубының бас бапкері Срджан Благоевич «Қызылжар» қорғаушысы Анатолий Козленкоға қызығушылық туралы ақпаратқа жауап берді, деп хабарлайды Prosports.kz.

Маманның айтуынша, ол бұл футболшыны мүлде танымайды. Сонымен қатар клуб ойыншыларды оның келісімінсіз сатып алмайтынын атап өтті.

Благоевичтің сөзінше, футболшы клубқа ұсынылған кандидаттардың бірі болуы мүмкін, бірақ келісімшарт тек бапкердің рұқсатымен жасалады.

Бұған дейін қазақстандық БАҚ-та 23 жастағы орталық қорғаушы Анатолий Козленко «Партизанның» қызығушылығына ілінді деген ақпарат тараған еді.

Осы маусымда ҚПЛ-да ол 7 матч өткізіп, бір гол соқты. Transfermarkt порталы футболшыны 150 мың еуроға бағалап отыр.