«Атырау» «Рудар» қақпасына алты гол тоғытты

<p style="text-align: justify;"> <strong>&laquo;Атырау&raquo; мен черногориялық &laquo;Рудар&raquo; арасындағы жолдастық матч қазақстандық команданың жеңісімен аяқталды.</strong></p> <p style="text-align: justify;"> Бұл туралы &laquo;мұнайшылардың&raquo; ресми сайты мәлім етті. Алғашқы таймда Владимир Аржановтың голымен атыраулықтар алға шыққан. Бірақ 23-минутта черногориялықтар таразы басын теңестірді. Осылайша бірінші таймда жеңімпаз анықталған жоқ.</p> <p style="text-align: justify;"> Есесіне үзілістен кейін &laquo;мұнайшылар&raquo; жауапсыз бес гол соқты. Алдымен Павел Шабалин көзге түссе, артынша үш голды қаралымда жүрген шабуылшылар соққан. Ал 82-минутта Вячеслав Шарпар ойынның нүктесін қойды &ndash; 6:1.</p> <p style="text-align: justify;"> Айта кетейік, бұл ойынға Түркиядағы жиынға қатысып жатқан барлық футболшылар қатысты.</p> <p style="text-align: justify;"> &laquo;Атырау&raquo; келесі жолдастық матчын 11 ақпанда словакиялық &laquo;ВиОнға&raquo; қарсы өткізеді.</p> <p> &nbsp;</p>