Жартылай финал тарихындағы ең нәтижелі матч өтті

Чемпиондар лигасының жартылай финалындағы алғашқы матчта ПСЖ мен «Бавария» кездесіп, нәтижелі ойын көрсетті, деп хабарлайды Prosports.kz.

Париждік клуб тартысқа толы матчта 5:4 есебімен жеңіске жетті. Бұл кездесу турнир тарихындағы жартылай финалдағы ең нәтижелі ойын болды.

ПСЖ үшін бұл жеңіс ерекше мәнге ие. Команда соңғы бес жылда алғаш рет «Баварияны» ұтып отыр — бұған дейін олар 2021 жылдың сәуірінен бері неміс клубын жеңе алмаған еді.

Матчта голдарды Кейн (пенальти), Кварацхелия (дубль), Невеш, Дембеле (екі рет, оның бірі пенальти), Олисе, Юпамекано және Диас соқты.