«Ұлытау» өз алаңында «Тобылды» жеңді
ҚПЛ-дің алтыншы турында жезқазғандық «Ұлытау» өз алаңында қостанайлық «Тобылды» 2:1 есебімен жеңді, деп хабарлайды Prosports.kz.
Ойын «Металлург» стадионында өтті. 7-минутта Урош Миловановичтің рикошеті арқылы қонақтар алға шықты. Алайда үзіліске дейін Давид Анане Мартин есепті теңестірді.
Екінші таймда «Ұлытау» қайтадан алға шықты. Максим Мякиш өз айып алаңында ереже бұзып, Ариагнер Смит пенальтиді дәл орындады. 61-минутта Анане Мартин алаңнан қуылғанымен, «Тобыл» есепті өзгерте алмады.
Осы жеңістен кейін «Ұлытау» 11 ұпай жинап, турнир кестесінің жоғарғы бөлігіне көтерілді. Ал «Тобыл» 2 ұпаймен төменгі орында қалып отыр.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или