Сергей Волгин: «1992 жылғы чемпионатта жұлдыздар саны көп болды»

<p> <strong>Биылғы футбол маусымы тәуелсіз Қазақстан тарихында мерейтойлық, жиырма бесінші болмақ.</strong></p> <p> <a href="http://pflk.kz/kaz/news/3464">Қазақстан кәсіпқой футбол лигасы</a> осы мерейтойға және оның тарихына орай мақалалар сериясын бастайды. Алғашқы чемпионат 1992 жылы өткені белгілі. Сол жылы чемпиондық атақты және Кубокты алматылық &laquo;Қайрат&raquo; алып, үздік ойыншысы ретінде жартылай қорғаушы Сергей Волгин аталды. Біздің баспасөз қызметіне берген сұхбатында Совет және Қазақстан футболының ардагері бірінші чемпионатты есіне алып, көптеген қызық нәрселерді айтып берді.</p> <p> <strong>-Сергей Василийұлы, сіз алғашқы чемпионатта ойнадыңыз. Сол футбол маусымы туралы толығырақ айтып бере аласыз ба?</strong></p> <p> - Ашығын айтсақ, өте көп уақыт өтті. Бірден бәрін есіне түсіру қиын. Сол жарыстың деңгейі өте жоғары болды, себебі көптеген командалар былтыр Совет Одағының чемпионатында ойнаған. Жеңісті ешкім-ешкімге оңай берген жоқ. Ерекше менің есіме біздің Ақтөбе футболшыларына қарсы ойыны түсті. Сол матч Қазақстан чемпионаттардың тарихында алғашқы ойын ретінде сақталды. Алматының Орталық стадионында &laquo;Қайрат&raquo; 3:1 есебімен жеңді. Мен екі доп соқтым. Тағы бір гол Владимир Нидергаустың есепшотында. Қарсылас команданың жалғыз голдың авторы &ndash; Андрей Мирошниченко.</p> <p> <strong>- Команданы Бақтияр Байсейітов жаттықтырды ма?</strong></p> <p> - Иә, ал оған Құрбан Бердыев көмектесті. Командамыз мықты болды &ndash; тәжірибелі ойыншылар ойнады, жас футболшылар да өнер көрсетті.</p> <p> <strong>- &laquo;Қайратқа&raquo; қарсы командалар ерекше мақсатпен шықты ма?</strong></p> <p> - Солай деп ойлаймын, себебі алматылық команда Совет Одағының жоғары лигасында өнерін көрсетті. Қазақстанның ең мықты ойыншылары &laquo;Қайратқа&raquo; жылдар бойы ауысты. Мысалы, 1992 жылдың алдында командамыз қарағандылық &laquo;Шахтердың&raquo; көшбасшылары Валерий Яблочкин және Асқар Әбілдаевты өзіне тартып алды. Сол чемпионатта &laquo;Қайрат&raquo; тек қана бір ұпайға шымкенттік &laquo;СКИФ-Арсеналды&raquo; және павлодарлық &laquo;Ансатты&raquo; озып жеңді. Шымкентте де, Павлодарда да командалар мықты және ерекше болды. Соларды көруге қаншама адамдар стадиондарға барды!</p> <p> <strong>- Чемпионаттағы инфрақұрылым қандай болды?</strong></p> <p> - &laquo;Қайраттың&raquo; қазір де жұмыс істейтін Каблукова көшесінде базасы болды. Қарағандылықтар да өз қаласында керемет базамен қолданды. Стадиондардың алаңдары да жаман емес еді. Мысалы, Кентау қаласында біз жап-жаңа стадионда, жоғары деңгейлі алаңында ойнадық. Тек Ақтауда біз құмның үстінде төселген алаңға шықтық. Сондай алаңда ойнау ойыншылар үшін қиынға шықты.</p> <p> <strong>- Теледидарда Қазақстан біріншілігін қаншалықты жиі көрсетті?</strong></p> <p> - Өкінішке орай, осыны білмеймін.</p> <p> <strong>- Еліміз тәуелсіздігін желтоқсан айында алды, ал чемпионат келесі жылдың сәуір айында басталды. Клубтар қаржының жетіспеушілігіне ұшырады ма?</strong></p> <p> - Командалардың қазіргі қаржыларымен салыстыруға да мәні жоқ. Қала, облыс басшыларының мәселелері көп болды, сондықтан футбол артта қалды. Бірақ чемпионат қатысушылары ақша үшін емес, футболға деген махаббаты үшін алаңға шықты.</p> <p> <strong>- Қазіргі чемпионаттың деңгейімен салыстыра аласыз ба?</strong></p> <p> - Маған салыстыру өте қиын, себебі келесі жылы мен Ресейге ойнауға аттандып, ал сосын бапкер ретінде ғана оралдым. Бірақ, менің ойлауымша, қазір Премьер-лига легионерлердің арқасында жоғары деңгейге жетті. Біздің кезімізде &laquo;легионер&raquo; деген сөзді де ешкім білген жоқ, өйткені чемпионатта тек қана өз футболшыларымыз ойнады. Қазір легионерлермен қатар өзіміздің мықты ойыншыларымыз да бар. Мысалы, Исламхан, Покатилов, Логвиненко секілді футболшыларымызды атауға болады.</p> <p> <strong>- Сіз 1992 жылы маусымның үздік ойыншысы атағын жеңдіңіз. Солай болады деп ойладыңыз ба?</strong></p> <p> - Иә, мен үшін сол атақ кездейсоқ болғандай, себебі оған лайық көптеген мықты ойыншылар сол чемпионатта ойнады.</p> <p> <strong>- Қазір мамандар Қазақстан Премьер-лигасы ТМД елдеріндегі чемпионаттардың арасында Ресей мен Украинанадан кейін үшінші тұр орында дейді. Осы пікірмен келісесіз бе?</strong></p> <p> - Ол жағын айту қиын, себебі көптеген чемпионаттардың ойындарын көрген емеспін. Естуімше, Әзірбайжан чемпионаты біздікіндей мықты. Бірақ, мамандар солай айтса, мен де әйтеуір келісемін ғой.</p> <p> <strong>- Сергей Василийұлы, сіздің соңғы жұмыс орныңыз оралдық &laquo;Ақжайық&raquo; болатын. Бапкерлікке енді қашан ораласыз?</strong></p> <p> - Егер кез-келген клубтан маған нақты ұсыныс келсе, онда келісетін шығармын. Не де болса, футболға әрқашан да оралуға дайынмын.</p> <p> &nbsp;</p> <p> <a href="http://pflk.kz/kaz/news/3464">pflk.kz сайтынан*&nbsp;</a></p> <p> &nbsp;</p>