«Атырау» Жезқазғанда ірі жеңіске жетіп, соңғы орыннан шықты
ҚПЛ-дың 24-туры аясында жезқазғандық «Ұлытау» өз алаңында «Атырауға» ірі есеппен жол берді, деп хабарлайды Prosports.kz.
Бұл ойында алаң иелері күтпеген қадамға барып, негізгі ойыншылар Дмитро Непогодов пен Котаро Кишиді матчқа қоспады. Дегенмен, кездесудің басы сәтті басталып, 15-минутта Демият Сламбеков есеп ашты.
Алайда үзіліске жақын «Ұлытау» қорғаушысы Георгий Бугуловты жоғалтты, ал бапкерлік штаб оны шабуылшыға ауыстыруды жөн көрді. Бұл «Атырауға» кеңістік сыйлады. Екінші таймда алаң қожайындары қызыл қағаз алып, азшылықта қалды. Бұдан кейін қонақтар толықтай үстемдік жүргізді: алдымен Константин Дорофеев даулы гол соғып, есепті теңестірді, артынша Ян Труфанов алға шығарды. Соңына қарай «Атырау» қарсыласын түбегейлі күйретті — Дорофеев дубль жасап, Руслан Юденков пен Лука Згурский де көзге түсті. Қорытынды есеп — 5:1.
Бұл жеңіс «Атырауға» турнир кестесінің соңынан көтеріліп, сақталып қалу жолындағы мүмкіндігін қайта жандандырды. Ал «Ұлытау» қиын жағдайға тап болып, төменгі орындар қатарына түсіп қалу қаупін арттырды.
«Барселона» сырт алаңда жеңіске жетті