«Ақтөбе» футбол клубының өз телеарнасы болады

<p style="text-align: justify;"> <strong>&laquo;Ақтөбе&raquo; футбол клубы Түркияның Белек қаласында оқу-жаттығуды бастады. Биылғы футбол маусымында Украина мен Африкадан ойыншылар келуі мүмкін.</strong> <strong>Бұл туралы &laquo;Ақтөбе&raquo; ФК бас директоры Дмитрий Васильев баспасөз мәслихатында мәлімдеді</strong>.</p> <p style="text-align: justify;"> &laquo;Ақтөбе&raquo; командасының құрамы мен олардың жалақысы, кадрлық өзгерістер туралы айтылған баспасөз мәслихатына тілшілермен қатар футбол жанкүйерлері шақырылды. Бұған дейін Ақтөбеден Астанаға ауысқан медиа-офицер Марат Жұмабаев қайта оралып, Асылбек Қуанышев клубтың бейнетүсірілімдеріне жауап беретін болды. Бас директоры Дмитрий Васильевтің айтуынша, клубтың өз телеарнасы құрылады. Команданың ресми сайты қазақ тілінде де ақпарат таратады. &laquo;Қазір ойыншылар Түркияның Белек қаласында оқу-жаттығу жиындарында жүр. 9 футболшы трансферге шығарылды. Кейбірінің агенттерімен келіссөздер жүргізіп жатырмыз. Алдағы уақытта Украина мен Африкадан да футболшылар келуі ықтмалы&raquo;, - дейді Д.Васильев.</p> <p style="text-align: justify;"> Бас директордың айтуынша, негізгі құрамдағы ойыншылардың кем дегенде алтауы жас аяқдапшы болады. Бұл облыс әкімі Бердібек Сапарбаевтың нұсқауымен атқарылған жұмыс. &laquo;Ақтөбе&raquo; командасының алғашқы ойыны Қобыланды батыр атындағы стадионда өтуі үшін барлық қажетті шаралар қолға алынды. Жоспар бойынша алаңды 1-сәуірде пайдалануға беру қажет. Мұнда қазір ресейлік мамандар еңбек етіп жүр&raquo;,- дейді клубтың баспасөз қызметі.</p> <p style="text-align: justify;"> Айта кетейік, негізгі билеттердің құны 300-1500 теңге аралығында болады. Ал орталық сектордағы орындардың құны 3 мың теңге болады деп жоспарланған. Бұл барлық билеттің 10 пайызын құрайды. Биылғы &laquo;Ақтөбе&raquo; футбол клубының негізгі бюджеті 2 миллиард теңге болып бекітілді. Оның 800 миллион теңгесі өткен жылдан қалған қарызды өтеуге жұмсалады.</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>