Дуглас Коста алимент төлемегені үшін іздеуде
Бразилиялық футболшы Дуглас Костаға алимент төлемеді деген айып тағылды, деп хабарлайды Prosports.kz.
Порту-Алегри соты 35 жастағы бұрынғы «Ювентус» ойыншысына қамауға алу ордерін шығарды. Себебі – 492 965 реал (78 мың еуродан астам) көлеміндегі қарыз.
Футболшы отыз күнге түрмеге қамау жазасына кесілген. Айта кетейік, ол екі жыл бұрын «Лос-Анджелес Гэлакси» сапында жүргенде де осындай іске іліккен болатын. Жергілікті БАҚ-тың хабарлауынша, ордер екі жылға жарамды және Костаны кез келген сот немесе полиция өкілдері қамауға ала алады.
Сондай-ақ Дуглас Коста өнер көрсеткен «Сидней» клубы футболшымен келісімшартты бұзды. «Клуб пен ойыншы келісімге келіп, контракт үзілді. Құқықтық және жеке мәселелерге байланысты Дуглас Коста елден шыға алмайды», – делінген австралиялық команданың мәлімдемесінде.
УЕФА Чемпиондар лигасы: Алғашқы тур ойындарының нәтижесі