Самат Смақов «Ақтөбеге» қайта оралды

<p style="text-align: justify;"> <strong>Футболдан Қазақстан құрамасының капитаны Самат Смақов &laquo;Ақтөбе&raquo; клубына қайта оралды, деп хабарлайды Kazfootball.kz порталы.&nbsp;</strong></p> <p style="text-align: justify;"> 2015 жылдың соңында Самат Смақовтың Павлодардың &laquo;Ертіс&raquo; клубымен келісім-шарты аяқталған болатын. Содан кейін футболшы еркін агент ретінде жаңа клубтармен келіссөз жүргізді. Қысқа демалыстан келген бойда Самат өзінің бұрынғы клубы &laquo;Ақтөбе&raquo; басшыларымен жолығып, клуб қатарына өту туралы мәселені талқылаған болатын. Бірақ, ол келіссөз сәтсіз аяқталған. Одан кейін еліміздегі БАҚ өкілдері 37 жастағы футболшыны &laquo;Ордабасы&raquo; және &laquo;Атырау&raquo; клубтарына ауысуы мүмкін деген мәлімет таратқан болатын. Дегенмен де, бүгін Самат Смақов Kazfootball.kz порталының тілшісіне &laquo;Ақтөбемен&raquo; оқу-жаттығу жиындарына баратынын және Түркия жерінде клубпен келісім-шартқа отыратынын айтып берді.&nbsp;</p> <p style="text-align: justify;"> - &laquo;Ақтөбемен&raquo; оқу-жаттығу жиындарына барамын. Жаттығу кезінде клуб басшыларымен тағы да әңгімелесетін боламыз. Егер бәрі ойдағыдай өтетін болса, онда келер аптада мен &laquo;Ақтөбе&raquo; сапына қайта қосыламын&raquo;, - дейді футболшы.</p> <p style="text-align: justify;"> Айта кетейік, Самат Смақов бұған дейін де &laquo;Ақтөбе&raquo; клубы сапында өнер көрсеткен болатын. Тарқатып айтсақ, 2007-2012 жылдың аралығында ол еліміздегі ең атақты ұжымның намысын қорғап, Қазақстан чемпионы, Қазақстан кубогы және Қазақстан Суперкубогын жеңіп алған. - See more at:&nbsp;</p>