Де Брёйне «Наполиге» ауысуы мүмкін

Бельгия құрамасының және «Манчестер Сити» клубының жартылай қорғаушысы Кевин Де Брёйне «Наполи» командасына ауысуға жақын. Бұл туралы Фабрицио Романо хабарлады.

Тараптар үш жылдық келісімшарттың шарттарын келіскен. Келісімге сай, футболшының жалақысы мен бонусын қосқанда жалпы табысы €27 миллион болмақ. «Наполи» трансферді келесі аптада, Де Брёйне «Сити» сапындағы соңғы ойынын өткізгеннен кейін аяқтауды жоспарлап отыр.

33 жастағы ойыншы биылғы маусымда барлық турнирде 38 матч өткізіп, 6 гол соғып, 8 нәтижелі пас берген. Оның «Манчестер Ситимен» келісімі 2025 жылғы 30 маусымға дейін күшінде. Transfermarkt мәліметінше, оның нарықтық құны да €27 миллионды құрайды.