Ла Лига: «Атлетико» бірінші орынға шықты

Мадридтік «Атлетико» Испания Ла Лигасының 26-шы турында өз алаңында «Атлетик Бильбаоны» қабылдады, деп хабарлайды Prosports.kz.

Кездесу минималды 1:0 есебімен алаң иелерінің пайдасына аяқталды. Жалғыз голды 66-минутта Хулиан Альварес соқты.

Бұл жеңісімен «Атлетико» 56 ұпай жинап, Испания чемпионатының жаңа көшбасшысы атанды. «Барселона» мен «Реал Мадрид» командаларында 54 ұпай бар, бірақ Ханси Фликтің командасы әлі өз ойынын өткізген жоқ: «Барселона» «Реал Сосьедадты» жеңсе, команда бірінші орынға қайта оралады.

«Реалға» келсек, мадридтік клуб 26-шы турда сырт алаңда «Бетистен» сенсациялық түрде жеңіліп қалды – 1:2.