«Бешикташ» Түркия чемпионатының матчында жеңіске жетті

Сенбі күні Түркия Суперлигасының 26-туры аясында «Бешикташ» пен «Кайсериспор» арасында кездесу өтті, деп хабарлайды Prosports.kz.

Алаң иелері 2:0 есебімен жеңіске жетті. 45-минутта «Бешикташтың» португалиялық жартылай қорғаушысы Жоао Марио есеп ашты. 90+7-минутта Семих Кылычсой қорытынды есепті тіркеді.

Қазақстан құрамасының ойыншысы Бахтиёр Зайнутдинов жуырда алған жарақатына байланысты команда тізімінде жоқ болатын. Қазір ол қалпына келтірудің соңғы сатысында және командамен бірге жаттығуға кірісті.

«Бешикташ» турнир кестесінде төртінші орында.