«Ордабасы» ивуарлық қорғаушымен келісімшарт жасасты

Шымкенттің «Ордабасы» клубы 28 жастағы ивуарлық қорғаушы Шериф Жимомен келісімшартқа отырғанын жариялады.

Өткен маусымда Жимо Беларусь чемпионатында БАТЭ сапында 29 матч өткізіп, 1 гол соғып, 3 нәтижелі пас берген. 2024 жылдың қорытындысы бойынша ол борисовтық клубтың ең үздік ойыншысы атанды.

Бұған дейін футболшы «Неман» және Кот-д’Ивуардың «Сан-Педро» мен «Атлетик Аджаме» клубтарында ойнаған.