Қазақстандық жас шабуылшы Испанияда хет-трик жасады

Қазақстандық шабуылшы Данил Анкудинов испаниялық «Менсажеро» клубының сапында хет-трик жасады, деп хабарлайды Prosports.kz.

21 жастағы Анкудинов Испания корольдік футбол федерациясының үшінші дивизионының (Испан футбол лигасы жүйесіндегі бесінші дивизион) 12-тобының 19-тур матчында Бусанада командасына үш гол соқты. Қазақстандық голды 1, 19 және 37 минуттарда соқты. Матч 4:1 есебімен Менсажероның жеңісімен аяқталды.

17 матчтан кейін Менсажеро 30 ұпаймен турнир кестесінде жетінші орында, ал Бусанада 18 ұпаймен 15-ші орында.