«Астана» ресми түрде Станимир Стойловпен келісімшартын ұзартты

<div style="text-align: justify;"> <strong>Чемпиондар лигасының топтық кезеңіне тұңғыш рет шыққан елордалық &laquo;Астана&raquo; футбол клубы бас жаттықтырушысы Станимир Стойловпен келісімшартын ұзартты. Бұл туралы клубтың ресми сайты хабарлап отыр.</strong></div> <div style="text-align: justify;"> &nbsp;</div> <div style="text-align: justify;"> Болгар маманы мен клуб арасындағы келісімшартқа Стамбул қаласында қол қойылды. Жаттықтырушы қазақстандық клубты 2017 жылға дейін жаттықтыратын болады.</div> <div style="text-align: justify;"> &nbsp;</div> <div style="text-align: justify;"> &laquo;Галатасараймен&raquo; өткен ойыннан кейін &laquo;Астана&raquo; клубының ойыншылары мен бапкерлері демалысқа шықты. Команда алғашқы оқу-жаттығу жиындарын 10 қаңтар күні Дубайда бастайды.</div> <div style="text-align: justify;"> &nbsp;</div> <div style="text-align: justify;"> Айта кетейік, Станимир Стойлов &laquo;Астана&raquo; клубын 2014 жылдан бері жаттықтырып келеді. Клуб пен бапкер &laquo;1+1&raquo; жүйесі бойынша келісімшартқа қол қойған-ды. Болгар бапкерінің келуімен елордалық клуб қазақ футболы тарихында өз атын қалдырды. Ел чемпионатында топ жарды, суперкубокты иеленді. Сондай-ақ, Чемпиондар лигасының топтық кезеңіне шыққан қазақстандық бірінші клуб атанды.&nbsp;</div>