Мадридтік «Реал» алты гол соғылған матчта ұпай жоғалтты

«Райо Вальекано» мен «Реал Мадрид» кездескен Испания Примера лигасының 17-турының матчы аяқталды, деп хабарлайды Prosports.kz.

Ойын Мадридтегі «Вальекас» стадионында өтті. Кездесудің бас төрешісі қызметін Хуан Мартинес Мунуера атқарды. Матч 3:3 есебімен аяқталды.

«Райо Вальекано» сапында жартылай қорғаушы Унаи Лопес, қорғаушы Абдул Мумин және шабуылшы Иси Палазон гол соқты. Лос-Бланкос сапынан жартылай қорғаушылар Федерико Вальверде, Джуд Беллингем және вингер Родриго Гоес нәтижелі соққы жасады.

«Реал Мадрид» 17 ойыннан кейін Испания чемпионатының турнирлік кестесінде екінші орында келеді. Команда 37 ұпай жинады. Райо Вальекано 16 ойыннан кейін 20 ұпаймен 13-орында. «Барселона» 17 матчтан кейін 38 ұпаймен бірінші орында.