«Барселона» командасы Испания чемпионатында екінші рет жеңілді

«Барселона» Ла Лиганың 13-ші турында сырт алаңда «Реал Сосьедадтан» 0:1 есебімен жеңіліп қалды.

Роберт Левандовски 13-минутта гол соқты, бірақ оның голы офсайдқа байланысты есепке алынбады. Шеральдо Беккер 33-минутта есеп ашып, матчтағы жалғыз голдың авторы атанды.

Ламин Ямаль жарақатына байланысты кездесуге қатыса алмады.

Бұл католондықтардың маусымдағы екінші жеңілісі. Бесінші турда Флик шәкірттері «Осасунаға» 2:4 есебімен есе жіберді.