Қазақстандық файтер Айваз Айдинов Алматыдағы OCTAGON турниріне қатысады
Жеңіл салмақтағы OCTAGON лигасының титулына бұрынғы үміткер, қазақстандық Айваз Айдинов (7-2) октогонға оралады, деп хабарлайды Prosports.kz.
22 қарашада Алматыда өтетін OCTAGON 66 турнирінде қазақстандық файтер өнер көрсетеді. Айдиновтың бұл жекпе-жектегі қарсыласы әлі анықталған жоқ.
Еске салайық, 2023 жылы қазақстандық файтер жеңіл салмақта Еуразиялық жекпе-жек лигасының титулдық жекпе-жегінде Қырғызстан өкілі Илимбек Ақылбек уулдан (9-3) мерзімінен бұрын жеңіліп қалған болатын. Осыдан кейін ол Құлмұрат Орозов (7-10) мен Чжэн Вэнге (6-3) қарсы екі жекпе-жекте қатарынан жеңіске жетті.
Кештің басты жекпе-жегінде ұйымның жартылай орта салмақтағы қазақстандық чемпионы Георгий Кичигин (30-10) ресейлік Хамзат Чапановқа (14-3) қарсы титулын қорғайды.