Ла Лига: «Барселона» оныншы турда қарсыласын тас-талқан етті

Испания Ла Лигасының 10-шы турындағы ойында «Барселона» өз алаңында «Севильяны» жеңді, деп хабарлайды Prosports.kz.

Матч 5:1 есебімен аяқталды. Роберт Левандовски (24-ші минутта, пенальтиден және 39-шы) және Пабло Торре (82-ші және 89-шы) дубль авторы атанды, тағы бір голды Педри (28-ші) соқты. «Севилья» сапында Станис Идумбо (87-ші) көзге түсті.

Осы жеңістің арқасында «Барселона» 27 ұпай жинап, Испания чемпионатында көшбасшылығын сақтап қалды. Он ойыннан кейін «Севильяда» әлі 12 ұпай бар.