Қазақстан УЕФА Даму турнирін жеңіспен аяқтады

15 жасқа дейінгі Қазақстан жасөспірімдер құрамасы Минскіде (Беларусь) өтіп жатқан УЕФА Даму турнирінде соңғы кездесуін өткізді, деп хабарлайды Prosports.kz. 

Турнирдің үшінші айналымында Қазақстанның қарсыласы 15 жасқа дейінгі Әзірбайжан жастар құрамасы болды. Кездесу 2:0 есебімен қазақстандық футболшылардың жеңісімен аяқталды. 

Қазақстан құрамасы үшін бұл екі жеңілістен кейінгі турнирдегі бірінші жеңіс болды. Бұған дейін құрама Беларусь (2:3) және Ресей (0:7) құрамаларынан жеңілген болатын.