Анчелотти Ла Лига рекордын орнатты

Сейсенбі, 24 қыркүйек күні «Реал» өз алаңында Ла Лиганың 7-туры аясындағы ойында «Алавесті» 3:2 есебімен жеңді, деп хабарлайды Prosports.kz.

Бұл ойын бас бапкер Карло Анчелотти үшін чемпионаттағы жеңіліссіз қатарынан 39-шы ойын болды.

Журналист Педро Мартиннің айтуынша, Анчелотти бұл көрсеткіш бойынша Альберт Ормечеяның (38) жетістігін басып озып, Ла Лиганың жаңа рекордын орнатқан.